ആവശ്യമുള്ളതില്‍ കുത്തിക്കോ...

5/29/12

ബലരാമന്‍ കമ്മിറ്റിറിപ്പോര്‍ട്ട്‌ അഥവാ ഒരു വിലാപ കാവ്യം...

എന്തൊക്കെയായിരുന്നു...?
മലപ്പുറം കത്തി.....ബലരാമന്‍ റിപ്പോര്‍ട്ട്‌.......അമ്പതിനായിരം ശമ്പളം.....
ഒടുവിലോ...? പവനായി ശവമായി ..........

അല്ലേലും അതങ്ങനെയാണ്....? ലോകത്തിലെ ഏക സോഷ്യലിസ്റ്റ്‌ ആയ മാവേലിയെ പാതാളത്തിലേക്ക് ചവിട്ടി താഴ്ത്തിയ , ആദ്യത്തെ കമ്മ്യൂണിസ്റ്റ്‌ ആയ യേശുവിനെ കുരിശില്‍ തറച്ച ഈ ലോകത്തില്‍ നിന്നും ഒരുപാട് നീതിയൊന്നും ഒരു മാന്യദേഹവും പ്രതീക്ഷിക്കണ്ടാ,,,,,

സ്വകാര്യആശുപത്രികളില്‍ പതിറ്റാണ്ടായി അടിമത്തത്തിന്റെ കറയും പുരണ്ടു ജീവിച്ചിരുന്ന നേഴ്സ്മാര്‍ ശബ്ദിക്കാന്‍ തുടങ്ങിയിട്ട്  ആറു മാസങ്ങള്‍ തികയുന്നു....ഒരുപാട് നീര്‍ക്കൊലികളെ അടിച്ചും ചവിട്ടിയും നമ്മള്‍ ഇന്ന് കയറി നില്‍ക്കുന്നത് ശരിക്കും ഒരു വിജയ തീരത്ത് തന്നെയാണ് എന്നാ കാര്യത്തില്‍ സംശയമില്ല....

നേഴ്സ്മാരുടെ പ്രശ്നങ്ങള്‍ സ്വന്തം വീട്ടിലെ പ്രശ്നങ്ങള്‍ ആയി കണ്ടു ഓടിച്ചാടി നടന്നു പരിഹാരം കണ്ട ഷിബു മന്ത്രിയും തന്റെ പുലി വേഷം നന്നായി അഭിനയിച്ചു,,,,കൂട്ടത്തില്‍ കേരളത്തിലെ മനുഷ്യാവകാശ കമ്മീഷന്‍റെ പഴയ സാരഥി ബലരാമന്‍ സാറിനിട്ടൊരു പണിയും കൊടുത്തു.....നേഴ്സ്മാരുടെ പ്രശ്നം പഠിക്കുക.....കൂടെ നഴ്സിംഗ് മേഘലയിലെ കുറെ പുലികളും....അങ്ങനെ പതിനാലു ജില്ലകളിലും തെളിവെടുപ്പ് നാടകം നിറഞ്ഞ സദസ്സില്‍ തകര്‍ത്തോടി,,,,,

പരാതികളുടെ പ്രളയം.....പോട്ടിക്കരചിലുകള്‍, വിതുമ്പല്‍,കൂട്ടക്കരച്ചിലുകള്‍....അപ്പനും അമ്മയും നേഴ്സ്മക്കളും കൂടിയുള്ള ഫാമിലിപാക്ക് കരച്ചില്‍ തുടങ്ങി പൂരത്തോട് പൂരം....

അങ്ങനെ കൊടുത്ത മൂന്നു മാസം ഉഷാരായിട്ടങ്ങു പോയി....ഇങ്ങനെ ഒരു കമ്മീഷന്‍ വെച്ചത് കാരണം, ലേബര്‍ഓഫീസില്‍ വെച്ച് ഇനി സേവന-വേതന വ്യവസ്ഥ സംബന്ധിച്ച ചര്‍ച്ചകളില്‍ തീരുമാനം വേണ്ട എന്നാ രീതിയില്‍ എല്ലാ ഉദ്യോഗസ്ഥര്‍ക്കും നിര്‍ദേശവും ലഭിച്ചു......


ചിക്കാഗോയില്‍ എട്ടു മണിക്കൂര്‍ ജോലിക്ക് വേണ്ടി ആയിരങ്ങള്‍ മരിച്ചതിന്‍റെ ഓര്‍മ്മ പുതുക്കി ആഘോഷിക്കുന്ന മെയ്‌ ദിന പുലരിയില്‍, ബലരാമന്‍ കമ്മറ്റി റിപ്പോര്‍ട്ട്‌ ഭൂജാതനായി.....

നഴ്സിംഗ് സമരങ്ങളെ പിന്‍ പേജില്‍ ഒതുക്കിയ മനോരമ വരെ "നേഴ്സ് മാര്ര്‍ക്ക് 13000 ശമ്പളം എന്നും പറഞ്ഞു വെണ്ടയ്ക്ക ഒന്നാം പേജില്‍ നിരത്തി.....

ഇത് കേട്ട നാട്ടുകാര് ചോദിയ്ക്കാന്‍ തുടങ്ങി...

'ആ മക്കളെ കോളടിച്ചല്ലോ....? ചെലവുണ്ട്  കേട്ടാ...."

ഉള്ളിലെ കാര്യം അള്ളാക്കറിയാം എന്ന് പറയുന്ന പോലെ മ്മക്ക് മ്മടെ കാര്യം കഷ്ടം തന്നെ,,,,

നേഴ്സ്മാരുടെ പ്രശ്നം പഠിക്കാന്‍ വേണ്ടി ഉണ്ടാക്കിയ ബലരാമന്‍ കമ്മിറ്റി അവസാനം ശമ്പളവും , ബോണസുമൊക്കെ നിര്‍ദേശിച്ചത് എമാന്മാര്‍ക്ക് അത്ര പിടിച്ചില്ല.....

ഉണ്ടാക്കിയ മകനെ തള്ളിപ്പറയുന്ന ലാഘവത്തോടെ 
"ബലരാമന്‍ കമ്മറ്റി നിര്‍ദേശങ്ങള്‍ നടപ്പിലാക്കാന്‍ സ്വകാര്യ ആശുപത്രികള്‍ക് ബാധ്യത ഇല്ല" എന്ന് ഷിബു അണ്ണന്‍ പറഞ്ഞു.....
ചത്തതിനൊക്കുമേ ജീവിച്ചിരിക്കിലും....എന്ന് പണ്ടാരോ പറഞ്ഞ പോലെ ബലരാമന്‍ റിപ്പോര്‍ട്ട്‌ പുക മണക്കുമെന്നു ഏകദേശം ഉറപ്പായി.....

അങ്ങനെ കുറച്ചു ദിവസങ്ങള്‍ കഴിഞ്ഞപ്പോ ഇന്നലെ (28.05.2012)  സര്‍ക്കാര്‍ വക നേഴ്സ്മാര്‍ക്ക് ഒരു ഒന്നൊന്നര സമ്മാനം.....

ബലരാമന്‍ കമ്മറ്റി നിര്‍ദേശങ്ങള്‍ നടപ്പിലാക്കണോ എന്ന് തീരുമാനിക്കാന്‍ ഒരു വ്യവസായ ബന്ധ സമിതി വെക്കുന്നു.....

ഇരുപതു അംഗങ്ങള്‍.....

അതിലെ മുഖ്യ ആകര്‍ഷണം ആയി നമ്മള്‍ കണ്ടത് രണ്ടു വസ്തുതകള്‍...

ഒന്ന് ഇതിന്‍റെ കാലാവധി വെറും രണ്ടു വര്‍ഷം പോരാതെയോ....?
ഇരുപതു പേരില്‍ നേഴ്സ് എന്ന് പറയാന്‍ ഒരാള്‍ മാത്രം....? തൊഴിലാളി പ്രതിനിധിയായി ഹൈബി ഈടെന്‍ എം എല്‍ എ....

ചിരിക്കാതെ എന്ത് ചെയ്യണം...?

ഈ പറയുന്ന കൊപ്പനോക്കെ പണ്ടും ഇവിടൊക്കെ തന്നെ ഉണ്ടാരുന്നില്ലേ...?

അന്നും നേഴ്സ്മാര്‍ കഷ്ടപ്പെടുന്നുല്ലേ....?

രണ്ടു വര്‍ഷം കൊണ്ട് സ്വകാര്യ മാനേജ്മെന്റ്കള്‍ എത്ര നേതാവിനെ വിലക്കെടുക്കും എന്ന് കാണാം....

പിന്നെ നമ്മള്‍ നേഴ്സ്മാര്‍ ഇതൊക്കെ കണ്ടു രണ്ടു വര്‍ഷംവരെ മിണ്ടാതിരിക്കും എന്ന് ഏതെന്കിലും ഒരുത്തന്‍ കരുതിയെങ്കില്‍ തെറ്റി മക്കളേ തെറ്റി,,,,,

പോരാട്ടം തുടരുക തന്നെ ചെയ്യും.....

വരുന്ന ജൂണ്‍ 13 നു ബലരാമന്‍ കമ്മറ്റി റിപ്പോര്‍ട്ട്‌ നടപ്പിലാക്കണം എന്നാവശ്യപ്പെട്ട്  ഇന്ത്യന്‍ നേഴ്സസ് അസോസിയേഷന്‍ , നിയമസഭവളയുന്നു.....നീതിയുടെ പോരാട്ടത്തില്‍ അണിചെരൂ.......

3 comments:

  1. ബാലരാമാനല്ല, സാക്ഷാല്‍ ശ്രീരാമന്‍ തന്നെ വന്നാലും നര്സുമാരുടെ കാര്യത്തില്‍ ഒരു തീരുമാനമാകുമെന്ന് തോന്നുന്നില്ല

    ReplyDelete
    Replies
    1. സത്യമാണ് ഇക്കാ....ഇതൊക്കെ എന്ത്...?

      Delete
  2. ഇതൊന്നും പറയാന്‍ ആരും കാണില്ല ...!

    ReplyDelete

ഫേസ്ബുക്കില്‍ കൂടെ അഭിപ്രായം പറയാം...

ചങ്ങായിമാരേ.....